Air Astana әуе компаниясы 2024 жылы топ-менеджментіне қанша қаржы жұмсағанын жария етті. Бұл сома 525,3 млн теңгеден асты, деп хабарлайды Orda.kz.
Компанияның KASE сайтында жариялаған құжаттарына сәйкес, көрсетілген қаржының ішінде жалақы, сыйақы, түрлі бонус пен өтемақы кіреді.
Авиакомпанияның басқарушы құрамында директорлар кеңесінің төрағасы Питер Фостер бастаған тоғыз адам бар. Олардың қатарында шетелдік мамандар да бар: Филиппос Сиаккас, Герхард Коетци, Ричард Леджер және Пиюш Таори.
Егер төлемдер теңдей бөлінді деп есептесек, онда әрбір топ-менеджердің орташа айлық табысы 4,8 млн теңгеден асып түскен.