Ақтөбе индустриялық аймағында орналасқан FIBC Kazakhstan ЖШС вагондарға арналған қаптамалар, биг-бэгтер, тенттер және полипропилен таспасын өндіреді, деп хабарлайды Isker Tilshi облыс әкімдігінің баспасөз қызметіне сілтеме жасап.
Компания өкілі Ботакөз Тайбукенованың айтуынша, фабрика ірі көлемді тауарларға арналған полипропилен қаптамаларын шығаруға маманданған. Қазіргі таңда зауытта шамамен 150 қызметкер еңбек етеді. Ай сайынғы өндірістік қуат шамамен 140 тонна дайын өнім шығаруға мүмкіндік береді.
Негізгі шикізат Атыраудағы Kazakhstan Petrochemical Industries Inc. (KPI) зауытынан жеткізіледі.