Ақтөбе қаласының әкімшілік құқық бұзушылықтар жөніндегі мамандандырылған ауданаралық соты 39 жастағы әйелдің ісін қарады. Оның кесірінен 3 қазан күні таңертең Алтын Орда ауданындағы 500-ден астам тұрғын газсыз қалған. Бұл туралы Диапазонға сілтеме жасап, «Тілші» хабарлайды.
Полиция мәліметінше, таңғы 6:30 шамасында әйел тұрғын үйге газ жүргізу үшін қазылған шұңқырға түсіп кеткен. Сараптама жүргізушінің мас күйде болғанын анықтаған.
Оқиға Мәңгілік ел даңғылында №25Г үйдің қасында болған. Әйел жол қозғалысы ережелерін бұзып, көлігін аударып алып, газ құбырын зақымдаған.
Заң бойынша мұндай бұзушылыққа 20 тәулікке қамау және 7 жылға жүргізуші куәлігінен айыру қарастырылған. Бірақ әйелдің 14 жасқа толмаған баласы болғандықтан, сот оны тек 7 жылға жүргізуші куәлігінен айырды.
Сот шешімі әлі заңды күшіне енген жоқ. Зақымдалған газ құбыры «Сұңқар» жеке құрылыс компаниясына тиесілі екен. Компания басшысы сотқа жүгінбейтінін айтқан.