АҚШ президенттігіне үміткер Камала Харрис бір аптадан кейін өтетін сайлау қарсаңында Вашингтонда мыңдаған адам алдында негізгі сөз сөйледі, деп хабарлайды ҚазАқпарат.
«Қайырлы кеш, Америка! – деді ол сөзінің басында.
«Бір аптадан кейін сіздің өміріңізге, отбасыңыздың өміріне және біз жақсы көретін осы елдің болашағына тікелей әсер ететін шешім қабылдауға мүмкіндігіңіз болады» — деп жалғастырды ол.
Оның айтуынша, алдағы сайлау – «екі партия мен екі түрлі кандидат арасындағы таңдау ғана емес».
Митинг өтетін орын кездейсоқ таңдалған жоқ – ол Ақ үйдің жанында орналасқан және Эллипс саябағы деп танымал. 2021 жылдың 6 қаңтарында бұл жерде оның сайлаудағы бәсекелесі республикашыл Дональд Трамп өзінің жақтастары алдында сөз сөйлеп, содан кейін олардың кейбіреулері Капитолийге басып кірді.
Харрис Трамптың «төрт жылға жуық уақыт бұрын дәл осы тұрғанын және жеңіліп қалғанын біле тұра, еркін және әділ сайлауда халықтың еркін жеңу үшін Капитолийге қарулы тобыр жібергенін» айтты.
Бұған дейін АҚШ президенттігіне кандидат Камала Харрис сәрсенбі күні сайлаушылармен кездесуде қарсыласы Дональд Трампты фашист деп санайсыз ба деген сұраққа «иә» деп жауап берді.