Өнер – адамның жан-дүниесінің айнасы. Осыны дәлелдей түскендей, «Мейірім» жастарды әлеуметтік бейімдеу орталығының тәрбиеленушісі Темірхан бала күнінен тоқыма өнеріне қызығушылық танытып, бүгінде бұл істі кәсіби деңгейге жеткізді. Ол өз қолынан шыққан әр бұйымға жылулық пен шеберліктің сырын сіңіріп, өнерін шыңдап жүр.
«Қолыма ілмек алып, тоқи бастасам, жұмысты аяқтағанша асығамын. Тоқу барысында миым тынығып, ойым жүйеленеді. Бұл – тек қолөнер емес, шығармашылық әлеміне бойлау. Ең бастысы, өз қолыңнан шыққан дүниенің өзгелерге қуаныш сыйлауы – ерекше сезім! Қазіргі таңда 22 наурыз мерекесіне орай қыз-келіншектерге арналған қазақы нақыштағы әшекейлі баскиім тоқып жатырмын.» – дейді Темірхан.
Шынайы еңбек пен қолөнердің бағасын білетін жандар үшін Темірханның туындылары нағыз өнер туындысы болары сөзсіз. Егер сіз де ерекше әрі қолмен тоқылған әсем бұйымдарға қызықсаңыз, 8 747 599 29 61 нөміріне хабарласып, тапсырыс бере аласыз.