Бірнеше ақпарат көздері Сирияның солтүстік-шығысындағы Хасеке аймағында орналасқан АҚШ әскери базасына шабуыл жасалғаны туралы хабарлады.
Ирандық Mehr ақпарат агенттігінің мәліметінше, базаға зымырандық немесе дрондық шабуыл жасалған, бірақ нақты шығындар немесе зардап шеккендер туралы ақпарат берілмеген. Әлеуметтік желі қолданушылары да осы оқиғаны растайтындай жазбалар жариялаған.
Алайда, ресми дереккөздер, мысалы, АҚШ Орталық қолбасшылығы (CENTCOM) немесе басқа халықаралық агенттіктер бұл шабуылдың болғанын әлі растаған жоқ.
Еске сала кетейік, 22 маусымда АҚШ Иранның үш ядролық нысанына әскери соққы жасады.