Хромтауда полиция инспекторы тоқтатқан мотокөліктің тіркелмегені және 45 жастағы жүргізушінің алкогольдік мас күйінде болғаны сараптама қорытындысымен расталды, деп хабарлайды «Тілші».
Сонымен қатар, ер адамның былтырғы жылдың соңында осыған ұқсас құқықбұзушылығы үшін 7 жылға жүргізуші куәлігінен айырылғаны анықталды.
Қазіргі уақытта аталған факті бойынша тергеу амалдары жүргізілуде.
Мотоцикл арнайы тұраққа қойылып, жүргізуші уақытша ұстау изоляторына қамалды.
Аталған заңбұзушылық үшін азаматқа көлік құралдарын басқару құқығынан өмір бойына айыру және 5 жылға дейін бас бостандығынан айыру жазасы қарастырылған.