Актөбеде бір үйдің келіндері – жас абысындар, бір-бірімен төбелесіп, сотқа дейін барды, деп хабарлайды «Тілші» time.kz сайтына сілтеме жасап.
Жастар қайын енесінің үйінде қонақта отырып, болмашы нәрседен сөзге келіп қалған. Алайда кикілжің тек сөзбен шектелмей, бір-біріне жұдырық ала жүгірген. Абысындар бір-бірін итеріп, шаштан тартып, ұрысып қалған.
Кейін екеуі де полицияға арыз жазып, мәселе Актөбедегі №2 сотта қаралды.
Сотта екі жақ та бір-бірін ұрып-соқты деп айыптап, өз кінәсін мойындаудан бас тартты.
Дегенмен, куәгерлердің түсініктемесінен кейін сот екі абысынның да кінәсі бар деп шешіп, әрқайсысына 98 300 теңге айыппұл салды.