Meta Platforms компаниясы Google-пен 10 млрд доллардан асатын келісімшартқа қол қойды. Құжатқа сәйкес, алты жыл бойы Meta әлеуметтік желілер экожүйесін дамыту үшін Google Cloud инфрақұрылымын – серверлерін, деректер сақтау жүйелерін және өзге де бұлттық қызметтерін пайдаланатын болды. Бұл туралы «Іскер Тілші» Kapital-ға сілтеп хабарлады.
Meta-ның жоспарлары
Компания басшысы Марк Цукербергтің айтуынша, алдағы жылдары Meta жасанды интеллектіні дамыту үшін бірнеше ірі деректерді өңдеу орталығын салуға жүздеген миллиард доллар жұмсамақ. Осыған байланысты компания 2025 жылғы жоспарлы капиталдық шығындарын қосымша 2 млрд долларға өсіріп, 66–72 млрд доллар деңгейінде болатынын мәлімдеді.
Сонымен қатар Meta өзіне серіктес бола алатын инвесторларды да іздестіріп жатыр. Жақында компания жасанды интеллект инфрақұрылымын қолдауға бағытталған деректер орталығы активтеріне тағы 2 млрд доллар салды.
Нарықтағы бәсекелестік
Маусым айында жасанды интеллект саласында Meta-ның басты бәсекелестерінің бірі саналатын OpenAI да Google Cloud-пен келісімшартқа отырғаны белгілі болды. Бұл жаңалық күтпеген жағдай болды, себебі OpenAI мен Google көптеген салада – соның ішінде онлайн-іздеу жүйесінде – тікелей бәсекелес.
Осының нәтижесінде Google-дың төркіндес компаниясы Alphabet-тің бұлттық бөлімшесінің кірісі екінші тоқсанда 32%-ға өскен.