«Отырар» медиахолдингін Шуддин Саидов басқарады. Холдинг құрамына «Отырар» телеарнасы мен сайты, сондай-ақ «Рабат» және «Оңтүстік Рабат» газеттері кіреді.
Otyrar.kz сайтының мәліметінше, Шуддин Саидов — тележурналистика саласында 17 жылдық тәжірибесі бар маман. Соның ішінде 10 жылын «Отырар» редакциясында өткізген. Бұған дейін тілші, продюсер және жүргізуші қызметтерін атқарған.
Ол «Ерен еңбегі үшін» медалімен, «Ақпарат саласының үздігі» төсбелгісімен, «Қазақстан халқы Ассамблеясына 30 жыл» мерекелік медалімен және «Халық алғысы» медалімен марапатталған.
Жаңа басшының бастамасымен Астана мен Алматыда қосымша тілшілер қосыны құрылып, бұл медиахолдингке елдің барлық өңірінен жедел ақпарат таратуға мүмкіндік береді.
Медиахолдинг ұжымы жаңа маусымда бұрынғыдай шынайы әрі жедел ақпарат ұсынуды жалғастырып, жаңа жобалар мен форматтарды іске қосуды жоспарлап отыр.