ChatGPT-тің иесі OpenAI қауіпті жағдайлардың алдын алу үшін қолданушылардың кейбір әңгімелерін тексеретінін мәлімдеді, деп хабарлайды «Тілші».
Компанияның ресми хабарламасында былай делінген:
«Егер біз өзгелерге зиян келтіруді жоспарлап отырған қолданушыларды анықтасақ, олардың жазбалары арнайы арнаға жіберіледі. Ол жерде ережелерімізді жетік меңгерген шағын команда қарайды және аккаунтты бұғаттау сияқты шара қолдануға құқылы. Ал егер адам өміріне тікелей қауіп төніп тұрғаны дәлелденсе, бұл жағдайды құқық қорғау органдарына беруге болады», – делінген OpenAI мәлімдемесінде.
Компания бұл қадамды адамдардың қауіпсіздігін қамтамасыз ету үшін жасалатынын атап өтті. Алайда өзін-өзі жарақаттау немесе суицидке қатысты жағдайларда әңгімелер полицияға берілмейді, өйткені бұл адамның жеке өміріне қатысты мәселе саналады.