Ақтөбе соты жыныстық қызмет көрсетіп, пайдакүнемдiк үшін «жеңгетай» болған жоғары білімді 36 жастағы әйелге рақымшылық жасады, деп хабарлайды «Тілші».
Orda.kz мәліметінше, сотта айыпталушы орынында 36 жастағы ақтөбелік әйел отырды. Сотталушы 1989 жылғы. Жоғары білімді. Тұрмыс құрмаған. Бұрын сотталмаған. Ол — қаладағы көңіл көтеру орталығының әкімшісі. «WhatsApp» мессенджері арқылы К-ға Н. есімді клиентке жыныстық қызмет көрсету туралы ұсыныс жасаған. Қызмет құны – 40 000 теңге.
Сотталушы өзіне тағылған айыпты толық мойындады. Жасаған ісіне өкінетінін айтты. Рақымшылық заңы аясында қылмыстық жауаптылықтан босатуды сұрады.
Мемлекеттік айыптаушы тарапынан да өтінішке қарсылық болмады.
«Қылмыстық іс кодекстің 309-бабы 1-бөлігі бойынша сотқа түсті. ҚР Конституциясының 30 жылдығы аясында «Рақымшылық туралы» Заң аясында С. Қылмыстық кодекстің 309-бабы 1-бөлігі бойынша қылмыстық жауапкершіліктен босатылсын», — деп оқыды үкімді судья Аян Құсаев.
Бұлтартпау шарасы ретінде қолданылған үйқамақтың күші жойылды.