Астанада «Азаттық радиосы» редакциясы Сыртқы істер министрлігін сотқа берді. Себебі министрлік олардың бірнеше журналисіне аккредитация бермеген, деп хабарлайды ҚазТАГ.
Бұл жолы дау тоғыз тілшіге қатысты. Сотта редакция өкілдері «бас тартуға себеп жоқ» десе, министрлік өз шешімін дұрыс деп отыр.
Бұған дейін де осындай іс қаралған. Ол кезде сот министрліктің шешімін қолдаған еді. Жалпы шілдеден бері 16 журналистке аккредитация берілмеген.
Сыртқы істер министрлігі журналистер рұқсатсыз жұмыс істеген деп түсіндірді. Ал халықаралық ұйымдар бұл шешім сөз бостандығына қысым деп бағалап, Қазақстан билігін «Азаттық» тілшілеріне рұқсат беруге шақырды.