Құқықтық медиа орталығы Orda.kz редакциясындағы тінтулер мен бас редактор Гүлнар Бажкенованың үйқамаққа алынуына байланысты ашық мәлімдеме жасады.
Редакциядағы тінту бірнеше сағатқа созылды. Алматыдағы редакцияда күштік құрылым қызметкерлері қызметкерлерге берілуі тиіс жалақы сақталған сейфті бұзып ашқан.
«Орда» басылымының Астанадағы шеф-редакторы Дмитрий Кимді кеңседе тергеп, кейін полиция бөлімшесіне алып кеткен. Адвокат пен басылымның заңгерін арнайы жасақ қызметкерлері ғимаратқа кіргізбеген.
Тергеу соты Гүлнар Бажкенованы екі ай мерзімге үйқамаққа алу туралы шешім шығарды.