Ақтөбе қаласында AI Engineering білім беру бағдарламасы іске қосылады. Бағдарлама аясында 14 жастан бастап мектеп оқушылары мен студенттер жасанды интеллекттің негіздерін меңгеріп, қазақ тілінде өздерінің жеке AI-ассистенттерін әзірлейді.
Бағдарламаға алдын ала іріктеуден өткен шамамен 100 қатысушы қатысады.
Бастама Makerspace желісінің базасында АҚШ-тың Қазақстандағы дипломатиялық миссиясы мен Chevron компаниясының қолдауымен жүзеге асырылып отыр.
Бағдарлама жастардың цифрлық дағдыларын дамытуға және технологиялық ортада қазақ тілінің қолданылу аясын кеңейтуге бағытталған.
Теориялық курстардан айырмашылығы, AI Engineering бағдарламасы практикалық форматта өтеді: қатысушылар нақты AI-құралдармен жұмыс істейді, бағдарламалаудың негізгі ұғымдарын меңгереді, сондай-ақ заманауи дауыс және мәтіндік ассистенттердің қалай жасалатынын түсінеді.
Оқу нәтижесінде қатысушылар өздерінің жеке AI-жобаларын әзірлеп, оны көпшілікке таныстырады.
Ұйымдастырушылардың айтуынша, бағдарлама жастарды болашақ мамандықтарға дайындауға және технологияларды жергілікті контекстке, тіл мен мәдениетке бейімдеудің маңызын түсінуге бағытталған өзекті сұранысқа жауап береді.
AI Engineering — Makerspace желісінің білім беру бастамаларының бір бөлігі. Бұл бастамалар жастарды қолдауға, инженерлік ойлауды дамытуға және Қазақстан өңірлерінде заманауи технологияларды кеңінен насихаттауға бағытталған.
Өтетін күндері: 2026 жылғы 20–24 қаңтар (қалаларға байланысты күндер өзгеруі мүмкін)
Өтетін орны: American Corner & Makerspace Aktobe, 11-шағынаудан, 112Е, 102-кабинет
Қатысушылардың жасы: 14 жастан бастап
Қатысу: тегін, орын саны шектеулі
Тіркелу: https://forms.gle/qLcY2KZ6kewT9UiP8