«Көрсеткіш төмендеген»: Асхат Шахаров Ақтөбе әкімі Азамат Бекеттің жұмысына бірқатар сын айтты

Ақтөбенің әлеуметтік-экономикалық дамуы жайлы басқосуда Асхат Шахаров қала басшысы Азамат Бекеттің жұмысына бірқатар сын айтты, деп хабарлайды «Тілші».

Облыс басшысы 8 айда Ақтөбеде көтерме сауда, өнеркәсіп, өңдеуші өнеркәсіпте және инвестициялар тартуда көрсеткіштердің төмендегенін жеткізді. Сондай-ақ, бірқатар стратегиялық көрсеткіштер орындалмай қалу қаупі туындаған.

«Қала әкімі облыстың салалық басқармаларымен бірлесіп, әлеуметтік-экономикалық көрсеткіштерге қол жеткізу бойынша өсу резервтерін тез арада іздестіруі қажет», – деді Асхат Шахаров.

Облыс әкімі сондай-ақ жұмыстардың мардымсыздығы және бақылаудың жоқтығын сөз етті. Яғни, биылғы жылы бірқатар әлеуметтік маңызы бар жобалар, соның ішінде жолдарды жөндеуге қатысты жобалар уақытылы іске асырылмаған.

Қаланы күтіп-ұстауға жұмсалған шығындардың екі есеге артқанына, арнайы техниканы сатып алуға 2 млрд теңгеге жуық қаражаттың бөлінгеніне қарамастан, жұмыстар тиісті деңгейде ұйымдастырылмай отыр.

Ірі көлемді қоқыстарды шығару және қаланы абаттандыру жұмыстарының сапасы мәселесі өзекті болып қала береді.

 

Be the first to comment on "«Көрсеткіш төмендеген»: Асхат Шахаров Ақтөбе әкімі Азамат Бекеттің жұмысына бірқатар сын айтты"

Leave a comment

Your email address will not be published.


*