Бурабайда ағаш бұтақтарынан 15 мыңдай шүберек шешілді

«Бурабай» мемлекеттік ұлттық табиғи паркі инспекторлары мен оқушылар ағаш бұтағына байланған 15 000-нан астам шүберек, пакеттерді шешіп алды, деп хабарлайды TilshiNews.kz сайты «ҚазақАқпаратқа» сілтеме жасап.

«Бурабай» МҰТП Бурабай орманшылығының инспекторлық құрамы Сакен Сейфуллин атындағы жалпы білім беретін мектептің жоғары сынып оқушыларымен бірлесіп ұлттық парктің аумағында «Тыныста, тал-шыбық!» акциясын өткізді.

ақ байлау
Фото: «Бурабай» МҰТП баспасөз қызметі

Күні бойы олар «Аютас» жартасының маңындағы қарағай мен қайың бұтақтарын туристер таққан пластик пакеттерден, матадан, целлюлозадан және басқа материалдардан тазалады. Барлығы 15 000-нан астам байлау шешіліп алынды.

ақ байлау
Фото: «Бурабай» МҰТП баспасөз қызметі

«Іс-шараның мақсаты жасыл желекті қорғау. Адамдардың ырымдап таққан байлаулары өсімдіктердің еркін өсуіне кедергі келтіреді. Әр түрлі материалдардан жасалған заттар ағаштардың өсуі мен дамуын қиындатады, жарық пен көміртегін қабылдауына жол бермейді. Ағаш бұтағындағы материалдар ылғалды сіңіріп алады, бұтақтарды зақымдайды. Сонымен қатар, пластиктен байлаулар өте баяу ыдыра ды, экожүйе үшін ұзақ мерзімді проблема туғызады», – деп түсіндірді орман шебері Айбек Ақжүніс.

шүберек байлау
Фото: «Бурабай» МҰТП баспасөз қызметі

Акция қатысушысы, 10 сынып оқушысы Радмир Алғазин де өз әсерлерімен бөлісті.

шүберек шешу
Фото: «Бурабай» МҰТП баспасөз қызметі

«Біз тек бір қарағайдан жарты қапқа жуық байлауларды алып тастадық. Менің бұл проблеманың айтарлықтай өзекті екеніне таңғалдым! Баршаны орманда тазалық сақтауға және табиғатты қорғауға шақырамын. Өтінемін, бұтаққа ештеңе ьайламаңыздар! Біздің болашағымыз қоршаған ортаға деген көзқарасымызға байланысты екенін бәріміз түсінуіміз керек», – дейді ол.

«Тыныста, тал-шыбық!» акциясы жыл сайын өтетінін айта кетейік. Бұл іс-шара ағаштардың бұтағы мен түбін қоқыстардан тазартуға көмектесіп қана қоймайды, сонымен қатар жастардың назарын ұлттық паркте табиғатты сақтау әдебіне де назар аударады.

Be the first to comment on "Бурабайда ағаш бұтақтарынан 15 мыңдай шүберек шешілді"

Leave a comment

Your email address will not be published.


*