Облыс әкімінің өкімімен Исатай Бауыржанұлы Еспағанбетов Ақтөбе облысының табиғи ресурстар және табиғатты пайдалануды реттеу басқармасының басшысы лауазымына тағайындалды.
Ол 1984 жылы Ақтөбе облысында дүниеге келген. Білімі — жоғары. 2004 жылы Қ.Жұбанов атындағы Ақтөбе мемлекеттік университетін, 2025 жылы Жәңгір хан атындағы Батыс Қазақстан аграрлық-техникалық университетін тәмамдаған.
Еңбек жолын 2006 жылы Мәртөк аудандық экономика және бюджеттік жоспарлау бөлімінің жетекші маманы болып бастаған.
2008-2010 жж. Мәртөк аудандық сәулет және қала құрылысы бөлімінің бас маманы; 2010-2021 жж. Мәртөк ауданы Байторысай ауылдық округінің әкімі, Мәртөк аудандық жер қатынастары бөлімінің басшысы, Мәртөк ауылдық округі әкімі, Мәртөк ауданы әкімінің орынбасары қызметтерін атқарған.
2021-2023 жж. Ақтөбе облысының ауыл шаруашылығы басқармасының басшысы болып қызмет еткен.