Company

Атырауда жұмысшы мамандықтарды насихаттауға арналған «Atyrau Faces» көрмесі ашылды

Атырау қаласы «Yemaa» замануи мәдениет орталығында «Golden Steppe Explorers» Қоғамдық қоры «Atyrau Faces» фотокөрмесі ашылды. Көрме 2025 жылды «Жұмысшы мамандықтар» жылы деп жариялау бастамасын қолдау мақсатында Атырау қаласында бастау алған жұмысшы жастардың республикалық форумы аясында ашылды.

Көрменің ашылуында сөз алған «Golden Steppe Explorers» Қоғамдық қорының директоры Ержан Нұрпейісов «Atyrau Faces» видеоконтенті арқылы еңбек мамандықтарын насихаттау жобасын келушілерге таныстырып өтті.

Сонымен қатар фото, видео контент арқылы өңірдегі жұмысшы мамандықтарды насихаттайтын «Atyrau Faces» жобасының басты мақсаты мен міндеттеріне тоқталды.
Көрменің ашылуына Атырау облысының әкімі Серік Шәпкенов, ҚР Парламентінің депутаттары, оның ішінде Геннадий Шиповских, «Теңізшевройл» ЖШС және «NCOC» компаниясының бас директорлары және республикалық форумға қатысушылар көрменің ашылуына қатысып, көрмеге ұсынылған жұмыстармен танысып шықты.

Жалпы жоба аясында 30 жұмысшы мамандық иесін фотокөрме арқылы көрсетіп, көрермендер мен халыққа жұмысшы мамандықтар туралы кеңінен ақпарат таратып, насихаттау көзделген. Алғашқы көрмеде түрлі кәсіпорындарда еңбек ететін 10 жұмысшы мамандық иесін фотоға түсіріп, бұл фотолар көрмеге қойылды.

Көрмеге келушілер өрт сөндіруші, сүңгуір, мұнайшы, зертханашы, агроном, өндірістік альпинист, автоэлектр маманы, кран жүргізушісі, аспаз сияқты мамандықтар бейнеленген фотосуреттерді тамашалай алады.

Жоба аясында өңірдегі түрлі компаниялар, өндірістерде еңбек ететін жұмысшы мамандықтардың иелерімен кездесіп, сұхбат құрып, оларды фото, видеоға түсіріп, кейін шыққан өнімнен көрме жасақталды. Ал жұмысшы мамандықтар келесі мекемелер мен кәсіпорындардан таңдалды. Олар — Атырау облысының төтенше жағдайлар департаменті, «Ембімұнайгаз» АҚ, «Трава у дома», «YKK» компаниялары, «Ferrum» автосервисі, «БатысАльянсСтрой» ЖШС.

2025 жыл ҚР Президенті Қасым-Жомарт Тоқаевтың Жарлығымен Жұмысшы мамандықтарының жылы деп жарияланды. Жұмысшы мамандықтар жылы жастар арасында осы салаларда білім алу мен еңбек қызметіне деген қызығушылықты арттырудың маңыздылығын көрсетеді.


«Atyrau Faces» жобасы арқылы өңірдің жастарына жұмысшы мамандықты игеріп өндірісте, кәсіпорындарда ұзақ жылдар бойы еңбек етіп келе жатқан нақты адамдардың табысты оқиғаларын көрме арқылы насихаттау жұмысшы мамандықтарды игеруге және сол мамандықтар бойынша жұмыс жасауға үлгі, мотивация болады, олардың осы салаларға деген қызығушылығын арттырады. Өндіріс ошақтарындағы, кәсіпорындардағы жұмыс орнынан түсірілген видео, фото контент жұмысшы мамандықтардың маңызы туралы баяндап, кәсіпорындар мен өндіріс орындарындағы мүмкіндіктер мен артықшылықтарды көрсетеді және жоба аясындағы контент жастардың бұл мамандықтарға деген көзқарасын өзгертуге ықпал етеді.
Жоба өңірдегі жастар арасында жұмысшы мамандықтарды насихаттауға бағытталған маңызды бастама.

КӨЗ САЛА ОТЫРЫҢЫЗ:  Хромтаулық шахтерлер «Таза Қазақстан» акциясына қатысты

Жоба арқылы жастар өзі тұратын қалада өмір сүретін адамдардың табысты оқиғаларын көріп жұмысшы мамандықтардың қоғамдағы орны мен рөлі, мәні мен маңызын түсініп, осы салаларда білім алу мен еңбек етуге деген ынтасын арттырады.

Нәтижесінде, жобаны жүзеге асыру өңірде қажетті кадрлық резервтер мен кәсіби құзыреттерді қалыптастыруға ықпал етіп, Атырау облысының экономикалық және әлеуметтік дамуына оң әсерін тигізеді.

Жобаны ҚР мәдениет және ақпарат министрлігінің тапсырысы және «Азаматтық бастамаларды қолдау орталығы» КЕАҚ гранттық қолдауы бойынша «Golden Steppe Explorers» Қоғамдық қоры жүзеге асырып жатыр.

Добавить комментарий

Ваш адрес email не будет опубликован. Обязательные поля помечены *