Өзін Сыбайлас жемқорлыққа қарсы қызмет өкілімін деп таныстырған алаяқтар әйелді сендіріп, ақшасынан айырған.
Алаяқтар алдымен жұмыс орнының басшысы атынан хабарлама жіберген. Кейін “банк шотыңыздан алаяқтар ақша шешіп жатыр” деп қорқытып, нұсқау берген. Әйел екі бөлмелі пәтерін сатып, несие рәсімдеп, депозитіндегі ақшаны да аударып жіберген.
Жалпы шығын – 22 миллион теңгеден асты
— Құқық қорғау органдары ешқашан ақша аударуды немесе несие рәсімдеуді сұрамайды. Күмән туса – 102-ге хабарласыңыз, — деп полицейлер ескертеді.