«Самұрық-Қазына» АҚ басқарма төрағасы Нұрлан Жақыпов «Қазақтелеком», «Қазақстан темір жолы» (ҚТЖ) және QazaqGaz акцияларын сату мүмкіндігіне қатысты пікір білдірді.
Жақыповтың айтуынша, қордың бұл компаниялардан шығу мерзімі тек нарықтағы жағдайға байланысты болады, деп хабарлайды Tengrinews.kz.
– Барлығы нарықтық ахуалға тәуелді. Дәл мерзімін айту қиын: бізде бекітілген жекешелендіру жоспары бар, соған сәйкес жұмыс істейміз. Активті сату – бір жағынан күрделі іс, екінші жағынан оны мемлекет үшін ең тиімді бағамен жүзеге асыру қажет. Бұл – мемлекеттік актив, сондықтан көптеген жағдайдың қабыса кеткені маңызды. Қазақша айтқанда, «жұлдыздар тоғысқанда» ғана біз активтерді бәсекелі ортаға ең тиімді бағамен шығара аламыз, – деді «Самұрық-Қазына» төрағасы.