3 қыркүйек күні шамамен сағат 18:10-да Ақтөбедегі Әлия Молдағұлова даңғылында, «Алия» базары маңындағы жаяу жүргіншілер өткеліне жақын жерде жол апаты болды, деп хабарлайды «Диапазон».
Облыстық полиция департаментінің мәліметінше, «Lada-21901» автокөлігінің жүргізушісі Жұбановтар көшесі бағытына қозғалып келе жатып, жолды белгіленбеген жерден кесіп өтпек болған 65 жастағы әжей мен оның 9 жасар немересін қағып кеткен.
Жарақат алған екеуі ауруханаға жеткізілді. Алайда әжей алған жарақаттарының салдарынан көз жұмды.
«Оқиға бойынша сотқа дейінгі тергеу басталды. Автокөлік коммуналдық тұраққа қойылды», – деп хабарлады полицейлер.