Танымал тележүргізуші, кәсіпкер Динара Сәтжан “Esquire Kazakhstan” подкастына берген сұхбатында жеке өміріне қатысты сұрақтарға жауап берді. Бұл туралы Stan.kz ақпарат агенттігі хабарлайды.
©instagram.com/dinarasatzhan
Кәсіпкер не себепті жеке өмірін құпияда ұстайтынын түсіндірді.
“Кейде мен өзіме риза боламын. Адамдар ғашық болып, ақымақтықпен суретін жариялайды, кейін айырылысып жатады. Ал ғаламтор оның бәрін сақтап, еске түсіріп отырады. Сол себепті жеке өмірімді құпияда ұстағаным дұрыс болған деп ойлаймын. Мен ерте тұрмысқа шықтым, ол кезде әлеуметтік желі болған жоқ. Бірақ менің бұрынғы күйеуіммен бірге түскен суретім әлеуметтік желіде бар. Мен жасырмаймын. Болашақта тұрмысқа шыққанда, күйеуім жүзігін салғанда және оның менің азаматым екеніне сенімді болғанда міндетті түрде күйеуімнің суретін жариялаймын. Оған сенімді болмайынша мен ештеңе айтып, көрсете алмаймын. Иә, қарым-қатынаста болдым. Кім қарым-қатынас құрмай жатыр?”, – дейді Динара Сәтжан.
Тележүргізуші қай жаста да махаббат керек деп санайды.
“Мен ұзақ уақыт қарым-қатынаста болмаған адам ретінде, махаббат керек деп айтар едім. Себебі, жалғыз болу – қиын. Маған ер азаматтың қолдауы керек деп айтпаймын. Өйткені мен материалдық тұрғыдан ешкімге тәуелсіз әйелмін. Жәй ғана жанымда менен де мықты, ақылды, дана ер азамат болғанын қалаймын. Қанша мықты болсаң да, әйел болып бір сәтте әлсіздік танытқың келеді. Жалғыздық ешкімге жараспайды. Болашақта ерте ме, кеш пе маған лайықты ер азамат жолығатынына, отбасын құратыныма сенімдімін. Алла қаласа дүниеге сәби әкелемін. Бірақ жалғыз қалмаудың амалын жасап, уақытымды алатын ер азаматпен кездеспеймін. 20, 40, 50 мейлі 60 жас болсын махаббат қашан да керек”, – дейді кәсіпкер.
Айта кетейік, бұған дейін Динара Сәтжан көйлегі мен әшекей-бұйымының бағасын айтып, көпшілікті таңғалдырған болатын.
фото: paryz.kz
Be the first to comment on "«Күйеуімнің суретін жариялаймын»: Тележүргізуші Динара Сәтжан жеке өмірі туралы бар шындықты айтты"